Gameweek 24 (Waktu Malaysia)

Kedudukan maso ni, ketinggalan 22 mato dari leader. Minggu lopeh tak sampai 10 pun, kono 'check' balik ni.


Stoke City V Man City 31 Jan 19:45 Stoke ni liat sikit ni, tapi ado Ireland mo Robinho.
Arsenal V West Ham 31 Jan 22:00 Arsenal monang, walaupun West Ham dah 5 games berturut2 tak kalah2.
Aston Villa V Wigan 31 Jan 22:00 Aston Villa walaupun Ashley Young masih digantung dan Laursen masih laie cedera. Tapi ado Kirkland, Zaki dan Figuera.
Bolton V Tottenham 31 Jan 22:00 Harapkan point dari Taylor macam minggu lopeh, dan takdo player Spurs langsung.
Fulham V Portsmouth 31 Jan 22:00 Fulham. Ado Schwarzer, Hangeland, Dempsey & Murphy.
Hull City V West Brom 31 Jan 22:00 Hull City walaupun dah onam games tak monang2. Turner & Geovanni masih ado laie.
Middlesbrough V Blackburn 31 Jan 22:00 Harap'an McCharthy dan Roberts.
Man Utd V Everton 1 Feb 00:30 (jadual asal hari isnin) Vidic, Ronaldo dan Berbatov bawak points macam minggu lopeh dan Arteta curik 1 atau 2 gol.
Newcastle V Sunderland 1 Feb 20:30 Takdo sesapo pun dah.
Liverpool V Chelsea 1 Feb 23:00 Game of the weeks. Reina, Arbeloa, Gerrard dan Torres lwn Bosingwa dan Lampard.

EPL 08/09 - Gameweek23

Gameweek 23 (Waktu Malaysia)

Ramai pengurus2 Fantasy Football sodang bercuti. Tongah hongeh makan limau free ngalah'an orang botak tu.

Banyak team yang tak ter'menten' tapi yang di'menten' tu pun bolum tontu dapek banyak points.

Sunderland v Fulham 28 Jan 02:45 Sunderland monang. Fulham goyah selopeh pemindahan Bullard ke Hull City.
West Brom v Man Utd 28 Jan 02:45 ManU monang. Kerana Rooney masih cedera, ramai pengurus Fantasy Football mengguno’an Berbatov. Jonathan Evans yang cemerlang semasa mengganti’an Ferdinand pun turut tercedera kek kulali eh.
Portsmouth v Aston Villa 28 Jan 03:00 Villa monang. Tapi Ashley Young digantung satu perlawanan dan Laursen terpakso berehat 2-3 minggu kerana kecederaan lutut.
Tottenham v Stoke City 28 Jan 03:00 Stoke terus mengganggu-gugat team2 lain tapi takdo kepontingan pun.
Chelsea v Middlesbrough 29 Jan 02:45 Chelsea, Chelsea!! Ado Lampard.
Man City v Newcastle 29 Jan 02:45 Ado Ireland dan Robinho. Kedua2 pemain ini bakal menyumbangkan banyak point minggu ini. Owen terpaksa dijua’an.
Wigan v Liverpool 29 Jan 02:45 Memanglah mengharap’an Liverpool monang. Kirkland kono simpan kek bench nampak eh.
Blackburn v Bolton 29 Jan 03:00 McCarthy lawan Taylor.
Everton v Arsenal 29 Jan 03:00 Everton monang. Ese ado Arteta kek 2 team dan Denilson. Van Persie dah takdo.
West Ham v Hull City 29 Jan 03:00 West Ham monang, Charlton Cole terus mengganas, Bullard masih mencari kesesuaian di team baru eh.


Selamat berjayo.

EPL 08/09 - Gameweek22

Gameweek 22


Hai meneje2 Fantasy Football sumo, 2 game dalam GW21 kensel sobab'an dek salji. Tapi prestasi masih memuaskan ati.

GW22 dijadualkan macam biaso, takdo extra game, takdo penangguhan game. Dan FA game maso cuti rayo Cino.

Sensasi terkini ialah kaitan Kaka-City, (baco botul2, bukan eh Kakak Siti doh)


Blackburn V Newcastle 17 Jan 22:00 Tak bosa na impek eh realiti maupun fantasi.
Bolton V Man Utd 17 Jan 22:00 ManU monang, tompi Rooney xdo.
Chelsea V Stoke City 17 Jan 22:00 Chelsea monang, Lampard, Anelka dan Bosingwa buleh bawak points.
Man City V Wigan 17 Jan 22:00 Ireland masih digantung, macam nak bawak masuk Robinho. Mungkin kono bench'an Kirkland, Figueora, Valencia dan Zaki.
Sunderland V Aston Villa 17 Jan 22:00 Aston Villa monang. L Young, A Young, Laursen dan Agbonlahor jadi taruhan.
West Brom V Middlesbrough 17 Jan 22:00 Tak ponah terpikir pun pasal player team ni.
Hull City V Arsenal 18 Jan 00:30 Arsenal monang, tapi banyak player Hull.
West Ham V Fulham 18 Jan 20:30 The Sun predict 'home win' tompi ado Schwarzer, Murphy.
Tottenham V Portsmouth 18 Jan 23:00 Dah takdo player2 team ni. Kenkadang ado lam agreement, player baru pindah takleh main lawan team asal. Check balik Defoe tu dulu...
Liverpool V Everton 20 Jan 03:00 Liverpool kono monang. Player2 yang ado Gerrard, Torres, Reina dan Arteta.

EPL 08/09 - Gameweek21

Gameweek 21

Jangan terlopeh pandang kek jadual GW21 ni, sobab GW21 ada soboleh (11) game. Iyo... 20 team tompi ada 11 game. Game ManU vs Wigan yang ditangguh'an maso ManU poie kejohanan kelab dunio di Tokyo aghitu, dijadual'an semulo pado hari Rabu 14/01/09.

Jadi lobih2an lah player dari team2 tu. Itupun kalau yakinlah.


Aston Villa V West Brom 10 Jan 19:45 Aston Villa monang bosa, tompi Laursen masih bolum buleh main, Agbonlahor berpotensi untuk dikepten’an
Arsenal V Bolton 10 Jan 22:00 Arsenal monang, tompi tingga Van Persie yo, itupun entah2 tak main.
Everton V Hull City 10 Jan 22:00 Everton mampu mengutip mato ponoh. Ado Arteta di 2 team, tompi Turner, Geovanni, King dan Myhill bersepah di sano sini.
Fulham V Blackburn 10 Jan 22:00 Fulham monang. Ado Murphy, Paintsil dan Konsecky… dan juga McCarthy.
Middlesbrough V Sunderland 10 Jan 22:00 Takdo kepentingan realiti maupun fantasi.
Newcastle V West Ham 10 Jan 22:00 Apopun keputusan tak kesah. Owen dan Cole di berlainan team.
Portsmouth V Man City 10 Jan 22:00 Portsmouth tidak beghapo menjadi di bawah bimbingan Adams tompi Manc City jarang monang away. Ado Johnson dan Ireland yo.
Stoke City V Liverpool 11 Jan 00:30 Kono menten monang untuk koka’an kedudukan. Gerrard (kepten di Geylang), Alonso, Arbeloa dan Reina… dan Torres kepten di Bayaii.
Wigan V Tottenham 11 Jan 20:30 Sobab Kirkland, Figueora, Valencia dan Zaki, Wigan monang.
Man Utd V Chelsea 11 Jan 23:00 Seri. Maso main kek Stamford Bridge 1-1. Result tu sesuai bona di realiti maupun di fantasi. Ese pun ado Bosingwa, Lampard, Anelka & Ronaldo.
Man Utd V Wigan 14 Jan 20:00 Realiti kato seri laie. Kali ni 0-0. Sobab Kirkland & Figueora.

EPL 08/09 - Namo team ese

Sajo yo nak kona’an team-team ese kek kengkawan. Kok masuk mano-mano league, dan jumpo namo-namo team ni atau botombung secagho ‘head-to-head’, itu team ese lah tu. Sumo team ese guno namo team bosa di seghato dunio tompi ese solit’an namo tompek-tompek kek Malaysia terutamo eh tompek-tompek yang dokek ngan hidup ese.

Ese mulo’an ngan ‘Geylangtasaray’. Bosompono nama klab bosa di Turkey, Galatasaray SK dan disolit’an namo Kampung Geylang Terusan kek Poghotang Jolobu. Kampung Geylang Terusan ialah namo kampong uwan ese, mako jadilah deh cam tu. Ponah menjuarai Liga Super 2007/08.

Lopeh tu, ‘Bayaii Leverkusen’. Berasal daghi namo kelab Bundesliga Jerman, Bayer Leverkusen, tompi namo Bayer tu diganti’an mo namo Bayai. Bayai ialah namo kampong dalam daeghah Jompo, dokek ngan Simpang Poghotang. Ado sikit kesilapan maso mendaftar namo team, Bayai tolah diijo sebagai ‘Bayaii’. Walaupun bulih dipindo, tompi ese bokonan pulak ngan ‘kesilapan’ itu.

‘Tembunham Hotspurs’. Iyo… mang tak dapek disangkal’an laie namo team di BPL, Tottenham Hotspurs FC. Kali ini monyolit’an namo Kampong Tembun, sebuah kampong kek Klawang.

Dek meminati klab Itali, AC Milan sojak zaman Gullit, Baresi, Rijkaard, van Basten lopeh tu Bierhoff pulak, ese pun beminat menamo’an team ese bosompono AC Milan. Namo Milan tu ese ganti’an mo Melang. Melang tu namo kampong kek Kolopilah. Mako jadilah ‘AC Melang’. Muncul juaro Liga Super 2004/05 dan 2006/07.

Klab Turki sudah, klab Jerman pun sudah, Itali mo Inggeris pun sudah. Kali ini klab Sepanyol pulak iaitu Deportivo La Coruna. Tompi cagho monyolit’an namo kampong agak unik. Dek ese lah. Namo kampong yang ese pilih kali ini ialah Kampong Lakai, pun kek ngan Simpang Poghotang. Mako jadilah ‘Deportivo Lakai Runa’. Unik eh kek susunan sukukata daghi 4-1-3 jadi 4-2-2 tapi tonasi eh tetap samo.

Itulah limo team ese kek BPL Fantasy Football. Selain tu, ese ado satu team kek UCL Fantasy Football. Namo eh ‘Werder Branang’. Hehe… taukan gabungan eh? Iyo. Klab SV Werder Bremen dari Jerman bergabung ngan Beranang, namo tompek kek sempadan NS/Selangor.

Namo-namo yang ponah ese guno’an sobolum ni:
· Ajax Ampangan – klab Ajax Amsterdam dan Ampangan, Soghomban.
· Baningham City – klab Birmingham City dan Kg. Air Baning.
· Borussia Mengkangladbach – klab Borussia Mönchengladbach ngan Kg Mengkan.
· Manchister City – klab Manchester City ngan Kg Manchis, Bentong Pahang. Kampong ni kek sempadan Jolobu mo Pahang. Alah yang masuk kek TV9 rancangan Apa Khabar Orang Kampung aghitu.

Namo-namo tu ese guno’an maso Piala Dunio 2006 aghitu. Maso tu buek sampai 10 team soghang sobab eh ado tawaran hadiah dari penganjur tempatan. Selain Grand Prize, setiap pusingan ado cenderomato. Setiap malam sobolum pelawanan Shebby dan kengkawan se’pundit’ eh akan komen pasal bondo ni. Ado soghang kawan opis ese, team eh disenarai’an kek TV, solang duo aghi ado Poslaju datang hanta’an ‘pewter’ puk dio.

Namo-namo lain yang ponah terlinteh tompi bolum ponah diguno’an laie pasal ghaso eh namo2 itu tak beghapo nak kono bunyi eh atau team tu orang tak beghapo nak kona.
· AS Rombau – AS Roma & Rombau
· Real Beting – Real Betis & Kg Beting
· Sakeh 04 – Schalke 04 & Sakeh (namo jalan kek Muar)
· Jelintus – klab Juventus ngan Kg Jelin.

Takdolah soho ese sampai nak mem’patent’kan namo-namo tu doh, tompi dongan ter’blog’ eh rencano ini, bih kurang cam tu lah deh tu.